“ნამაი ვაკე” არის ადგილი, სადაც ქალაქის ხმაურს ქალაქიდან გაუსვლელად დააღწევთ თავს. სახლში მოხვედრა ჯაფარიძის ან ჟვანიას ქუჩის გავლითაა შესაძლებელი. გზის დასასრულს, მოულოდნელად იცვლება ხედი და ხვდებით “ნამაი ვაკეს” ეგზოტიკურ გარემოში. სახლი ხეობაშია მოქცეული, რაც განსხვავებულ კლიმატს განაპირობებს. მისი ერთი მხარე ხეობას უმზერს, მეორე კი - თბილისს გადმოჰყურებს. 

ავტომობილით რამდენიმე წუთის სავალზეა სკოლები, საბავშვო ბაღები, სამედიცინო და ბიზნეს-ცენტრები…

ძველი თბილისელები ხშირად იკრიბებოდნენ აივნებსა და ტერასებზე ოჯახებთან და მეგობრებთან ერთად. საუკუნეების განმავლობაში, თბილისური არქიტექტურის ეს განუყოფელი ნაწილი ლაღი ურთიერთობებისა და სტუმართმოყვარეობის სიმბოლოდ იქცა. ფართო ტერასებითა და აივნებით, “ნამაი ვაკეში” თბილისური კოლორიტის გაცოცხლება გადავწყვიტეთ. სახლის თითოეულ მაცხოვრებელს აქვს ნათელი და მწვანე სივრცე დროის სასიამოვნოდ გასატარებლად. აქ ძველი თბილისური და თანამედროვე ევროპული დიზაინი სახასიათო და გამორჩეულ სტილს ქმნის.